Crnogorski glumac Momčilo Otašević ostvario se u novoj ulozi. Ovaj put, uloga je nešto drugačija ali sigurno njegova najdraža do sada. Naime, sredinom avgusta, Momčilo i njegova supruga, glumica Jelena Perčin, dobili su kćerku Mašu. Momčilo ne krije svoju radost, a svaki trenutak slobodnog vremena provodi sa svojom kćerkom i suprugom.
-Mislim da se sjajno snalazim. Eto, to mi je najdraža uloga u životu – rekao je Momčilo koji je trenutno angažovan na snimanju serije “Na granici”.
Otašević naglašava kako mu problem ne stvaraju roditeljske dužnosti, te da je dječiji krevetac bilo lako sklopiti. On je rekao da iskustvo koje je stekao radeći s ocem građevinske i tesarske radove ipak zna primjeniti kada se nađe prilika za to, ističući da nikada nije bježao od bilo kakvog posla. Život glumca iziskuje brojna odricanja. Snimanja, putovanja, nastupi, sastavni su dio života svakoga glumca, a Momčilo ističe kako mu takav način života jako prija.
-Odgovara mi, uvijek mi je i odgovarao ovakav način života. Imam sreću i privilegiju da radim na nekoliko tržišta širom regije tako da je ovo jedini način – rekao je Otašević.
Momčilo i Jelena vjenčali su se sredinom aprila na sceni kotorskog pozorišta.